Casas do mundo

“Todos temos dereito a unha vivenda”, di un dos artigos da declaración universal dos Dereitos Humanos. Neste terrible tempo de crise económica, todos/as temos unha vivenda na que protexernos, descansar, …? Non, dende logo que non. Pero no mundo, cada cultura á súa maneira, foi construindo as súas residencias adaptándose ao entorno, ao clima, as posibilidades económicas, ás materias primas ao alcance da man e dos bolsillos, ao número de membros, á tribo… É o que queremos que vexades no seguinte documento visual, onde tamén poderedes ver algunas excentricidades.

Casas do mundo

Roque en Australia

O morcego Roque chegou ás Antípodas; queredes saber o que lle pasou por Australia?

Mirade:

Roque en Australia

Roque na Arxentina

Nova historia do noso amigo Roque, neste caso pola Arxentina.

Roque na Arxentina

A bubela e outros galegos

Acordádesvos da despedida do profe Mon?. Diciamos que Mon pertence a esa xeración de mestres que tanto e tanto loitou por dignificar a nosa lingua e a educación pública, contribuíndo activamente a facer un ensino de verdadeira calidade, por riba de leis e reformas educativas. Tamén confiabamos –xa o sabíamos- que eses compromisos non se acababan cun papel de “xubilado”. E para demostralo, aquí o temos de novo argallando historias con Roque, o morcego, como protagonista. Coñeceu a Raimundo, o morcego de San Tomé e xuntos levounos a percorrer as ciudades do mundo, xa que os de Infantil andan de viaxe dende outubro, e nas súas viaxes foi descobrindo máis e máis cousas: plantas, casas, animais… E cos animais imos quedar.

Para os nenos e nenas de 2º de educación primaria sacoulles pasaxe para tres enormes países-continentes: foron á sabana africana ondea toparon cunha bubela galega. A bubela faloulles da Arxentina onde había moitos galegos, e alá marcharon tirando do peto, e claro, aqueles tamén lles descobriron algo de Australia. Como Roque e Raimundo son curiosos e todo o axixan, sen pensalo, alá voaron sen motor. Para ver como son, canto pesan, que comen, onde viven… Mon preparou estas viaxes. Esperamos que as disfrutedes.

Para ver o inicio do Morcego Roque, ide ao blog de Infantil premendo aquí.

A Bubela e Outros Galegos

XOGO PARA 2º SOBRE A SABANA

RUSIA PARA OS PEQUENOS

Xa conseguimos o LIM de Rusia para os cursos de 1º, 2º e 3º de primaria, sobre todo polo interese de Andrei quen ten moitas cousas que contar. Así pois, Andrei, nós xa cumplimos unha parte do prometido. Máis adiante iremos incluindo o resto. Esperamos que che guste a tí e a todos/as. Chao.

El lago de los Arco Iris (Un Hermoso Cuento de Italia)

Boas lectoriñ@s!

Xa que os de Infantil andan dando unha volta por Italia aproveitamos para perdirlles que nos trouxesen un conto do país coa forma de bota. Éste é o resultado:

Actualización da web de Interculturalidade

Boas!
Como os contidos que estamos a subir á web de Interculturalidade xa son moitos tivemos que facer unha reestructuración na mesma para que todo estea mellor organizado.

Nas últimas datas subimos máis vídeos, máis unidades didácticas e un par de xogos. Por suposto, a excelente presentación sobre o Machu Pichu tamén está ubicada na web.

Así que se queredes ver as novidades, xa sabedes, clickade en "Interculturalidade", na barra superior á dereita.

O Machu Pichu...

Nenos e nenas, profes titoras... Xa estamos pensando no Nadal! Pero amodiño, eh! Como nos anda pola cabeza unha idea de belén, preparamos estas imaxes para que vaiades coñecendo un sitio incrible do Perú, xa que dentro dun par de semanas imos ter que traballar sobre el. Por agora non vos contamos máis, pero tendes que miralo xa que nos vai facer falta. Ata pronto.

Algo máis, e IMPORTANTÍSSSSIMO: ao chegar a penúltima diapositiva, unha que pon vista aérea, picade enriba dela e ... levaravos ata alá. Non saltedes este paso!
  o Machu Pichu

Hoxe é o Día da Tolerancia

Boas!
Teñen relación a tolerancia e a interculturalide?
Pénsao un pouquiño máis....Claro que a teñen!

Hoxe celebramos o Día Mundial da Tolerancia, un valor importantísimo que evitaría moitos dos problemas da nosa sociedade. Por se alguén quere traballalo, deixámosvos aquí algúns enlaces relacionados coa temática:

- Aula 365
- Declaración de principios sobre a Tolerancia (UNESCO)
- Un conto para a Tolerancia (actividade Clic)
- Unha "caza do tesouro" para o Segundo e o Terceiro Ciclo
- Contos de Tolerancia
- Materiais didácticos contra a Intolerancia
- Enlace a "Crea e Aprende con Laura", un blogue con multitude de recursos