LECTORIÑO

PROXECTO DOS POR QUE

2012-02-16T23:36:00.001+01:00

Como vos vai cos vosos por ques, coas respostas orixinais...?
Xa vos dixemos a dificultade para atopar o libro, por iso o equipo da biblioteca fixo unha adaptación do libro que conseguimos en italiano. Podedes velo polos corredores. Tamén podedes coller os paneis e metelos nas clases, así facédesvos unha idea de como Rodari contestaba ás preguntas que lle formulaban nenos e nenas coma vos.

Como vedes, tendes a versión en italiano e, ao par, a versión adaptada que fixemos na biblioteca. Por que a versión en italiano?... Pois .... para que vos confirmedes se a traducimos ben, ... porque vos ides facer a unha adaptación propia...

Só estas dúas imaxes pois tenden as outras seis polo cole adiante. Se non as atopades é posible que "anden" por dentro dalgunha aula.

Así é como está quedando o oco onde colocamos esas tapas das caixas de folios forradas de cores. Agora vos tendes que pegar sobre elas as vosas respostas que, como vedes, xa empeza a encherse. Para axudarvos cos por que, inventamos e procuramos da rede e tamén do alumnado, varios listados de posibes POR QUE... En total son 200 e desexariamos que contestarades os máis posibles.

Estes son os POR QUE do espazo para colocar as respostas.

Estes estaban na subida das escaleiras pero... desparareceron. Onde estarán?

Estes... só se intúen. Mañá cambiaremos a imaxe. Tamén podedes traballar con eles desde a casa e mandarnos a contestación ao bogue.

Aquí están as preguntas das profes e as respostas dos nenos e nenas.

Máis respostas dos pequenos da escola

Aquí xa subimos a quinto, coa colaboración do profe Mon.

Aquí dáse resposta a POR QUE AS BAILARINAS SEMPRE ANDAN DE PUNTIÑAS?

Varias propostas e respostas do equipo da biblioteca.

O por que desta tarxeta é POR QUE AS PLANTAS MEDRAN PARA ARRIBA E O PELO MEDRA PARA ABAIXO? Como vedes, ademáis de imaxinar unha resposta persoal, tratamos de escribila para vos dunha maneira estética, bonita, que chame a atención. O mesmo podedes facer coas vosas.

Para rematar -agora tócavos a vos - acabamos coa tarxeta que responde a POR QUE OS RATOS TEÑEN O RABO TAN LONGO?. Esperamos que vos guste a proposta.

BIBLIOGRAFÍA ILUSTRADA

2012-02-16T22:56:00.000+01:00

Agora toca presentarvos a bibliografía.

Esta está á porta da biblioteca, ó lado dos Contos escritos a Máquina. Aquí deixamos a obra de Rodari según os anos en que a foi publicando.

Na rede atopamos as portadas da maioría das súas publicacións para nenos, nenas e mestres. Se vos entretén, intentade traducir os títulos. É moi posible que as profes de inglés traballen con vos na traducción a aquela lingua.

Nesta porta-panel, na zona do segundo ciclo, deixamos as portadas en castelán. Moitos dos libros xa os temos na biblioteca, outros están traducidos polo departamento de normalización lingüística ó galego -ou polo menos algún dos capítulos-. Debaixo de cada portada tendes o resumo do libro. Elexide o que máis vos chame a atención... e a ler.

Aquí podedes ver as ilustracións dos capítulos que compoñen o libro "Contos para Xogar". Está na subida ó piso de arriba. Polo menos seis destes capítulos están na biblioteca en libriños individuais. Ao final de cada libriño facémosvos propostas como Que final che gustou máis e por que? Escribe tí outro final, Adiviña o final de Rodari.... Alí tendes tamén uns sobres pegados na contraportada para que metades os vosos escritos. Xa hai algún.

E preguntarédesvos: onde está a bibliografía en galego? Sofreu un pequeno accidente (Aos rapaces pequenos, cando teñen o pincel na man, non hai quen lles poña límites nas súas creacións. Así que o papel branco non se acabou no mural da bibliografía e foi ilustrado dun xeito moi orixinal pero inoportuno). Pronto a renovaremos.

TRABALLOS SOBRE AS TÉCNICAS DE RODARI

2012-02-16T22:38:00.000+01:00

O equipo da biblioteca está escribindo contos e exemplos de como traballar as técnicas de Rodari. Xa vedes que polos corredores tendes actividades para ir facéndoas cando estedes esperando para entrar na aula de inglés, ou na de música... Cando a profe vos poña fóra da clase polo que vós xa sabedes... Ben, para cando vos apeteza. Así como as vaiades facendo, iremos renovándoas. Unha cousiña: debedes axustarvos ó que se vos propón (por exemplo: Santiago non é un xentilicio), vale?

Acabáchedelo pero... con algúns erros. No seguinte teredes que "afinar" máis.

Os de primeiro e segundo nono fixeron nada mal. Acabaron nun instantiño.

CONTO

2012-02-16T19:09:00.000+01:00

Ola... hai xa varios días que temos cousas para ir poñendo aquí, pero xa sabedes que o tempo é escaso. Hoxe deixámosvos o conto dos que están a facer na aula os nenos e nenas de 2ºA. Polo de agora só rematou Lucía pero xa sabedes: se escribides, nós poñeremos aquí os traballos para que llos ensinedes ás vosas familias.

2012-01-31T21:44:00.000+01:00

Merece a pena ver esta marabilla. É un corto, dura 15 minutos e resulta emocionante.

NOVA PROPOSTA SOBRE RODARI

2012-01-31T00:51:00.000+01:00

Como xa ides vendo, o cole estase a encher de bosques, casiñas, personaxes, cores.... e seguindo nesa liña, propoñemos novos proxectos. Pero antes, algunhas fotiños dos corredores de abaixo. Pero os do piso de arriba xa empezan a envexalos.

Entrada da biblioteca ainda en construcción

A carón da biblioteca está o mar da Sereiña

Outro cacho de pasillo

Os sete cabuxiños

Outro corredor con Tarzán

O corredor que vai a Infantil

A carroza de Cincenta

A casiña do porquiño máis larchán

A casiña do lobo feroz

Xa vístedes que antes do nadal fixemos unha pequena exposición de tarxetas respondendo a uns por que inventamos os/as profes da biblioteca. Pero agora tamén tendes que imaxinar vós. O proxecto que vos propoñemos é este

PROPOSTAS PARA TRABALLAR OS POR QUE
OBXECTIVOS	- Buscar información que responda aos por que plantexados - Desenvolver a imaxinación do alumnado dando respostas creativas aos por que persoais
PROPOSTAS	· Cada alumno/a, en grupo, por parellas… pensaran unha pregunta e daralle unha resposta escrita. · O Equipo da biblioteca tamén propoñerá preguntas a contestar polos nenos no caso de que non se lles ocurra nada. Elaborarase un cartel con preguntas paveras, curiosas,… e colocarao no oco da escaleira, á vez que expoñerá as tarxetas con por ques xa contestados. Estas tarxetas pódense subir ás clases e logo devolvelas.
PROCESO	· Trátase de que a cada pregunta lle den a resposta correcta (Por que os folios son rectangulares, por que se lles chama A4….?) e outra imaxinativa. · A pregunta e as respostas (curtiñas) deberanse escribir nunha tarxeta que será dada polo equipo de biblioteca (1 folio= 3 tarxetas) · As tarxetas deben ir un pouco decoradas (cenefas, debuxos, borde….) · As tarxetas expoñeranse e, logo, daráselle formato de libriño. · As preguntas tamén as pode formular a profesora (a mesma para todos), un alumno/a, … Esto sobre todo para infantil e 1º.

TÉCNICAS DE RODARI

2012-01-30T22:37:00.031+01:00

Xa era hora, non sí? Xa está todo preparado e saímos a escape. Nos vindeiros días as profes e os profes irán propoñéndovos moitas actividades arredor de Rodari. Para que saibades o que temos -e que non sempre vos poñan as máis "pesadas", deixámosvos unha mostra da carpeta dos Xogos de Rodari que fomos inventando para vos. Podedes atopalos completos na carpeta da estantería esquina da biblioteca.
https://docs.google.com/present/view?id=dd9dcmg8_1xtjrbzfq

Nova proposta

2011-11-22T23:13:00.000+01:00

Estamos a darlle voltas a un libro de Rodari titulado "O libro dos por que". Non hai maneira de conseguilo pois está descatalogado. Con todo, andamos á súa procura pola rede. Non o atopamos completo pero sí en anacos, en preguntas... tanto en castelán como en portugués e italiano.
É un libro divertido no que Rodari -que xa sabedes que era mestre- tentaba dar resposta ós porque dos seu alumnos e de outros nenos de entre 5 e 8 anos. Unhas respostas eran científicas, outras, lóxicas e outras disparatadas. Respondíalles en prosa e en verso, con exemplos e comparacións... Moi pavero.

Para introducir o tema, fixemos algunhas tarxetas con preguntas de Rodari e outras dos profes da biblioteca dándolle respostas diversas. De momento é só un adianto. Podedes velas no oco da escaleira do piso de abaixo pero para o mes que ven, antes do Nadal, imos facerlle varias propostas ás/ós titores... Esperemos que acepten!.

Máis carapuchiñas

2011-11-22T22:48:00.000+01:00

Que tal ides coas vosas creacións? Ás e ós profes da biblioteca empezan a esgotársenos as ideas pero para iso estades vos, para superarnos.
Consideramos que ainda nos quedaban por tratar algúns textos como a carta, e así, dándolle voltas ata marearnos, fixemos algúns máis. Tendes unha Carapuchiña iletrada, O correo que a nai da Carapuchiña mantén coas madrastras de Brancaneves, e Cincenta e a resposta da súa filla, unha Carapuchiña do revés que podedes ler co espello.... Sabemos que alguns e algunhas estades a intentar ler a última sen espello pero ó final desistides!!!!!!!

Os vosos contos

2011-11-22T22:33:00.001+01:00

Como vos prometemos, imos deixarvos hoxe 3 contos da Carapuchiña que puxéchedes nas cestas. Iremos pouco a pouco publicándoos porque xa hai bastantes: Cristina Doval, Carlos Portas, Ángela, Laura, nenos e nenas de 5º B... Unha petición: se sodes amables, podedes escribilos e decoralos xa cunha letra e ilustracións propias? Así non temos que reescribilos nós. Gústanos máis meter os vosos traballos tal como os facedes. Grazas.

A Carapuchiña da profe Laura de Infantil deu pé a que apareceran todas estas outras...

que fixeron os nenos e nenas de 3º. Agora están escribindo os contos. Digamos que estes debuxos van convertirse nas portadas das historias.

Este é un contiño escrito con acrósticos. A ilustración fíxoa o equipo da biblioteca pero seguro que vós sabedes facela igual de bonita. Ánimo coas historias e as ilustracións.

Un pouco modificado, este conto titúlase Tacirupeca. A idea parteu de algúns profes que a saben de memoria.

Cun pouco de esforzo podedes lela aquí e senón, buscádea polos corredores. Se non a atopades, é posible que esté nalgunha clase. Preguntade.

José Manuel de 6º B escribiu Carauchiña: unha heroína. É un texto teatral. Poñémosvos de seguido as páxinas:

Dúas Carapuchiñas no mesmo libro: Carapuchiña Robótica e Carapuchiña de campo e Carapuchiña de cidade.

Estes contos son de Rita, unha nena de 2º que quixo colaborar.
A todos, noraboa e a seguir pensando, creando, escribindo, debuxando....

A Carapuchiña Vermella

2011-11-01T19:42:00.005+01:00

Cantas Carapuchiñas hai? Unha soa?. Disque non. A primeira Carapuchiña escribiuna un francés chamado Perrault en 1697 e parécese á que nós coñecemos -a dos irmáns Grimm- pero non é a mesma. A versión orixinal fala dunha nena, dunha nai, dunha avoa e dun lobo, pero o remate non é igual: nesta a Carapuchiña é engulida e dixerida polo lobo. Aquí a tendes:

Carapuchiña era unha nena que quería moito á súa avoíña, e a nai deulle unha cesta chea de comida para que levase a merenda á avoíña, que vivía nunha casa no bosque.
A nai advertiulle que mentres estivese no bosque non se apartase do camiño, e que non se entretivese. Carapuchiña , obediente, foise a casa da avoíña facendo como lle dixo a súa nai.
Cando xa estaba no bosque, atopouse co lobo, quen lle preguntou cara a onde ía. Carapuchiña contestoulle que a casa da súa avoíña, que estaba enferma, a levarlle unha merenda; e díxolle todo o que levaba na cesta.
Entón o lobo retou a Caperucita a correr unha carreira cara á anciá. Díxolle que había dous camiños, un longo e un curto. Afirmoulle a Carapuchiña que deixaría que ela tomase o curto e que el tomaría o longo, pero o moi astuto ensínolle os camiños ao revés e nena, sen sabelo, tomou o camiño longo. O lobo, que obviamente chegou antes á casa da avoíña, fíxose pasar por Carapuchiña xa ante a porta. A avoíña díxolle que pasase, que a porta estaba aberta. O lobo entrou, comeu á avoa dun só bocado, púxo a roupa para facerse pasar por ela e meteuse na cama a esperar a Carapuchiña . Mentres, Carapuchiña , esquecendo o que lle dixo a súa nai, aínda estaba no bosque recollendo flores polo camiño longo.
Cando chegou Carapuchiña a casa da avoíña, chamou á porta e oiu que lle dicían que abrise a porta e entrase. Así o fixo e, xa dentro, empezou a falar con quen cría que era a avoíña, pero que era o lobo. Este díxolle que se metese con "ela" na cama para darse calor, e así sería.
C - Que ollos máis grandes tes!
L - Para verte mellor!
C - Que orellas máis grandes tes!
L - Para oirte mellor!
C - E que dentes máis grandes tes!.
L - Para comerte mellor!

[A partir de aquí é cando se dan as diferenzas máis importantes entre as versións antigas máis difundidas
E dicindo estas palabras, este lobo malo abalanzouse sobre Caperucita Vermella e comeuna.

E como Rodari nos dixo que, entre outras moitas cousas, podemos imaxinarnos outras historias, outros finais, outras épocas.... acordamos comezar polo máis coñecido: A Carapuchiña Vermella. Así, os profesores, e profesoras, decidimos escribir tamén as nosas versións. Recollemos a Rodadi, Roald Dahl e Gabriela Mistral pero tamén a de Laura, Blanca, Victor, Elena, Mon e algunha que outra anónima -pero moi bonitas. Mentres, esperamos polas vosas.

A Carapuchiña da profe Elena de infantil

Unha versión do profe Mon en pictogramas

O profe Victor sorprendeunos coa Carpuchiña con Burka

Esta non entraba nun panel e puxémola en libro grande....que tamén é do profe Mon

O libro por dentro .

A profe Laura deixounos esta Carapuchiña cor café. Unha historia real que lle pasou a súa nai

Blanca escríbenos unha Carapuchiña moderna que chatea co lobo

Esta é a de Rodari. Os máis pequenos escachan a risa con ela.

Un cantar de cego, escrito e ilustrado por.... Mon?. Pois claro. Agora quédanos que as cantoras de San Tomé a canten. Estanlle buscando a melodía.

Neste caso temos a versión do lobo. Parece ser que non era tan malo e Carapuchiña xunto coa avoa non eran tan boas.

A versión de Roald Dahl deu pé a que naceran unhas cantas Carapuchiñas en verso

Ben. Outro día publicaremos as que faltan: as Carapuchiñas en acrósticos, as enigmáticas, as do pobo común... pero sobre todo, esperamos as vosas.

Libros de Rodari

2011-11-01T18:22:00.001+01:00

Xa tendes á vosa disposición algúns dos títulos de Gianni Rodari que o equipo da biblioteca traduciu, escribiu e decorou para vós. Algúns xa empezáchedes a ler, outros a mirarlle as ilustracións e outros, que o sabemos ben! xa estades a escibir os vosos relatos. Eso é o que queremos e xa sabedes que tendes nos corredores e na biblioteca unhas cestas para meter dentro as vosas creacións e que serán publicadas no blogue para que todos poidades acceder a elas. Ademais, se nos queda un pouquiño de tempo, agruparémolas e faremos uns libros que quedarán expostos na biblioteca.

Aquí deixámosvos una mostra pequeniña dos libros feitos polo equipo (Camino, Victor, Elena, Laura, Marisa, Marité, Patricia, Teresa, Encarna, Lula, Mon e Elvira)

Bibliografía de Rodari para 2º e 3º ciclo

2011-09-18T00:22:00.001+02:00

Anque os nenos e nenas de 3º, 4º, 5º e 6º tamén podedes sentir curiosidade polos libros dos máis pequenos, non esquezades que estes que vos deixamos aquí resultarán máis interesantes para vós. Que os disfrutedes.

Bibliografía de Rodari infantil e 1º ciclo

2011-09-17T22:40:00.018+02:00

Queredes ir lendo a Rodari?
Na biblioteca xa temos libros e estamos a esperar un cargamento das editoriais. Mentras tanto podedes ir vendo cantos libros ten Gianni Rodari e de que tratan

Documento para mestr@s, nais e pais

2011-09-17T22:04:00.004+02:00

Como ensinar ós nenos a odiar a lectura

A revista “Educación y Biblioteca” (Follas de ACLIJ, Bogotá, 1990. N.7. P.2-7) rescata un texto de Gianni Rodari, publicado en 1988, no que ofrece ideas para que pais e mestres poidan animar os nenos a ler sen menoscabarlles a motivación. As reflexións de Rodari denuncian métodos negativos que impiden gozar aos nenos do hábito literario e que a despreocupación puido sistematizar. O autor sinala varias causas que producen tal efecto, como ordenar aos nenos a ler, botarlles a culpa por non o facer ou presentar un libro como alternativa á televisión ou os comics, entre outras.

Nas seguintes páxinas recóllese un resumen de Kepa Osoro

Cando nos metemos na tremenda travesía de axudar o noso alumnado -e fillos- a descubrir a maxia da lectura temos certa tendencia a perder a perspectiva. Empeñámonos en descubrir "que facer para espertar nos pequenos o amor pola letra impresa e esquécesenos que é importante ter en conta "que temos" que "evitar" para tirar pedras contra o noso propio tellado, pedras que moitas veces desbaratan todo o traballo feito.

Nesta liña concibíronse as preclaras reflexións de Gianni Rodari, xornalista, mestre e escritor italiano que encabezou a chamada Pedagoxía da Fantasía. Indo da súa man sabia e irónica, neste artigo tratarase de ir recoñecendo un a un algúns deses vicios nos que incorremos ao enfundarnos a chaqueta de "facedores de lectores".

Trátase de analizar algúns "erros de vulto" -como opoñer frontalmente o libro á tele visón ou aos cómics, lembrar insistentemente que na nosa infancia liamos máis (porque, dito sea de paso non tiñamos play station, entre outras marabillas) transformar o libro nun verdadeiro instrumento de tortura, etc. - erros que, moi ao noso pesar pero de forma machacona, rematan por converterse en «novas maneiras de ensinar os nenos a odiar a literatura».

1) Presentar o libro como alternativa a TV

Esta é, quizais, unha das estratexias máis eficaces para que os nosos rapacez se afasten decicidamente dos libros. Por un lado, porque para eles a televisión é un dos inventos máis marabillosos e útiles da historia da humanidade. E, por outro, porque os rapaces non son parvos e pensan: «Oe, papá, se che parece que ver a tele é perder o tempo, porque mamá e ti vos pasades todos os días varias horas diante do televisor?»

Ademais, somos tan pouco delicados cos seus gustos e afeccións que lles dicimos que teñen que ler en vez de mirar a tele, que han de coller os libros da escola «... en lugar de perder o tempo con esas estupideces». Viva o respecto ás ideas alleas!

Para os nenos a TV non é unha «estupidez» senón un entretemento divertido, ameno e útil. Talvez obxectivamente sexa certo que lle dedican máis tempo do necesario, ou que se refuxian ás veces «naquel estado de semiinconsciencia no cal o telespectador cae despois de certo tempo, e do que é síntoma a total pasividade coa que acepta calquera programa da pequena pantalla, sen escoller e sen reaccionar,».

Pero non podemos esquecer que os méritos educativos da TV superan aos seus deméritos: enriquece o punto de vista, nutre o vocabulario, achega unha cantidade inverosímil de informacións,... Aínda que sexa discutible a súa calidade, a tele transmite certa cultura.

E non esquezamos que dende o punto de vista psicolóxico, negar unha distracción, «unha ocupación pracenteira (ou sentida como tal, que é o mesmo), non é o modo ideal de facer que se prefira outra: será máis ben o modo de botar sobre esta outra unha sombra de fastío e de castigo».

2) Enfrentando os libros aos cómics

Cantas veces escoitamos de pequenos a algún adulto sabiondo chuspirnos a frasiña: «Deixa de ler contos, que son unha parvada!» O noso mestre ou noso pai ameazaba: «Queimareiche todos os contos se non te vexo ler!». «Só un suficiente en lingua, eh? A partir de mañá rematáronse os contos»...
Esquecemos o mal que nos sentiamos cando nos prohibían abrir a páxinas del guerreiro do anteface, Curto Maltés, Flash Gordon,Tintín, El Capitán Trueno, Mortadelo e Filemón... Y agora somos nós os que castigamos os nosos fillos sen ler os seus contos de Bóla de Dragón, Spiderman ou Sinchán.
Neste caso prohibir non serve para nada porque acabarán lendo contos escondidos no cuarto de baño como faciamos nós, ou na casa dun amigo.

Os cómics teñen a función de ponte cara a lecturas máis indiscutible. No medio das lamacentas e obrigatorias lecturas escolares, as aventuras dos contos supoñen unha ventá pola que penetra un mundo fantástico e ilusionante. Verne, Salgari, Gordon, Blyton, Agatha Christie... foron para moitos dos adultos de hoxe a lectura máis estimulante, máis instrutiva e probablemente a máis educativa da súa infancia. O cómic -recórdanos Rodari- «posúe a función de nutrir e alimentar a necesidade de aventuras, de comicidade de rápida consumición e renovación constante: é manexable, é económico, é cambiable. Os nenos non teñen necesidade só de boas lecturas».

3) Cando eu era novo os rapaces liamos máis

A miúdo temos a tentación os adultos (e raras veces nos resistimos) de botar de menos a nosa infancia porque gardamos dela un recordo distorsionado polo paso do tempo e a necesidade de idealizar o que non temos. A memoria é unha aduladora e engana habilmente, pero é difícil decatarse diso. Como se lía cando eramos pequenos! De verdade? Cando? Hai cen anos, cando a maioría dos españois eran analfabetos? Hai corenta anos, cando varios millóns nin sequera sabían ler? Ademais, os que lían máis eran os fillos da burguesía, porque o que é o resto dos mortais, traballadores e clase miserable, non tiña diñeiro para comprar uns libros que non posuían nin sequera un aspecto medianamente atractivo porque as súas edicións eran en moitos casos vulgares.

«Antes había bos libros para os nenos». Non intentemos que os nosos nenos e nenas boten de menos un pasado que non é o seu porque non poden identificarse coa nada. E, volvemos recordar outra incoherencia adulta: «Papá, se os libros que tiñas de pequeno eran tan bos e che gustaban tanto, porque non conservas ningún?».

4) Os nenos de hoxe tendes demasiadas distraccións

«...E por iso ledes tan pouco». A catastrófica organización do tempo libre dos nosos fillos non é a causa de que non lean. Unhas veces o tempo libre non é máis que «tempo baleiro», tempo desaproveitado porque os pais non ensinamos os nosos pequenos a convertelo nun ocio creativo e estimulante.
Outras veces o seu tempo libre, o non ocupado polas tarefas escolares, vernízase cunha neurótica obsesión polas «clase de tenis, inglés, piano, artes marcíais, informática, manualidades... Cando teñen un momentiño para abrir un libro de Literatura Infantil coa garantía de non quedar durmidos polo esgotamento?

Si, é certo, hoxe en día hai máis distraccións, pero a súa compatibilidade cos libros pode ser factible pois non depende «do número e da calidade dos pasatempos (é dicir, das ocupacións máis libres e por isto máis queridas, e por isto de maior eficacia educativa) senón do lugar que o libro ocupa na vida do país, da sociedade, da escola,».

5) Botándolle a culpa aos nenos de que non prefiren os libros

Botarlle a culpa aos nenos, ademais de doado, é comodísimo, porque serve para ocultar as propias culpas. Recoñecemos que os nenos non len o suficiente, pero hai demasiadas casas nas que xamais entra un libro, hai millares de licenciados sen biblioteca, hai moitos pais que non len sequera o xornal, e despois sorpréndense se os fillos fan como eles, hai responsabilidades da escola e do Estado... Nas editoriais para nenos, o criterio comercial prevalece sempre sobre o criterio pedagóxico

«Acusado como o único responsable dunha situación complexa e agravada cada vez máis pola crise dos ideais educativos, o neno reacciona como pode: largándose a xogar ao patio, ou escondendo baixo a almofada o seu querido álbum de cómics».

6) Transformando o libro en instrumento de tortura

Este sistema aplícase tamén se aplica en algunhas escolas: os mestres obrigan os nenos a copiar páxina por páxina o seu primeiro libro de lectura. Tras esta tarefa, que para o neno non ten sentido nin interese ningún, engádese a división en sílabas. Se soubesemos como se divirten! Co tempo chega a análise gramatical e despois fai a súa entrada triunfal a análise lóxica, resumir, o aprender de memoria, etc. Todos eses exercicios multiplican as dificultades de lectura cando esta ten que adquirirse como pracer para manterse no futuro e en lugar de facilitalas, quítanlle ao libro calquera capacidade de entreter, de conmover, de interesar.

7) Negarse a lerlle ó nen@

Ao narrar ou lerlle un conto ao neno na intimidade, na confianza entre pais e fillos é un acto modo único e irrepetible. Pero hoxe en día poucos pais teñen tempo e ganas de ler un conto aos seus nenos. Compartir a lectura é «promover o libro de mero obxecto de papel imprimido a intermediario afectuoso, a momento da vida,».

8) Non ofrecendo unha elección suficiente

Se o abano de materiais de lectura que ofrecemos aos nosos alumnos e fillos non é variado e rico, o seu rexeitamento aos contos pode significar tan só que lle gustan outro tipo de lecturas: libros documentais, contos, prensa deportiva, revistas xuvenís, lecturas dixitais, etc. Axudémoslle a crear a «súa» biblioteca persoal, que iremos enriquecendo consultando os seus gustos e momentos lectores.
9) Ordenando ler

Este é o método máis eficaz se se quere que os rapaces aprendan a odiar os libros. É seguro ao cen por cento. Moi doado de aplicar. Toma un rapaz, cóllese un libro, colócanse os dous nunha mesa e prohíbese que o trío se divida antes de determinada hora. Para garantir o éxito da operación, anúnciase ao rapaz que ao finalizar o tempo estipulado deberá resumir as páxinas lidas».

O mozo sacará unha lección pola súa conta que non esquecerá a partir deste momento: hai que ler porque os maiores o mandan.
Non se di que non sexan necesarias as lecturas obrigatorias. O neno aceptaraas se a cambio lle damos oportunidade de ler dentro do tempo escolar o que lle dea a gana, sen pedirlle nada a cambio.
«Unha técnica pódese aprender con tesón, como a técnica da lectura. Pero o amor pola lectura non é unha técnica, é algo bastante máis interior e ligado á vida.

Curso 2011-2012

2011-09-17T16:06:00.001+02:00

Ola a todos e a todas. Xa estamos aquí outra vez e queremos comezar así:

Escribir é un exercicio fermoso e talentoso.

Escribir é converter as túas ideas en palabras escritas, de xeito ordenado, respectando as regras da sintaxe e da ortografía, da puntuación e da prosodia, disto e daquilo.

O principal, o importante é que quen lea o que escribes, o lea con interese e ata con curiosidade e con gozo.

Escribir é un fermoso exercicio de pensamento e de expresión.

Escribir: traducir ideas, acomodalas, darlles a orde e a lóxica, salpicalas de pementa... nin moita nin pouca, poñerlle sazón; suficiente calor para que non se queimen e non saian cruas; coidalas, movelas atinadamente para que sexan apetitosas e rechamantes.. abrir o apetito de ler, de seguir lendo.. de facer que o lector se encariñe, namórese a tal grao que o que le non o poida deixar... atrapar ao lector, facelo teu... saber manexalo, manipulalo mesmo... espertar nel as paixóns, os sentimentos, os recordos, as nostalxias, as tristuras, as alegrías, os fracasos, os éxitos, as bágoas, o sorriso... saber chegarlle ao fondo do seu ser, do seu eu... facilitarlle o camiño para que se identifique con esa realidade que é súa pero que moitas veces ignora ou non ten lle coraxe de enfrontar... ou que simplemente nunca pensara nela ... ou que é incapaz de dicilo tal como o le... tal como o escribes.

Escribir para un, para os demais, para o outro, para a outra, quizais para ninguén... pero escribir.

(Facundo Cabral)

Este curso propoñémosvos unha tarefa preciosa: ESCRIBIR, pero tamén ler, ler e ler. Por iso eleximos a figura dun mestre e escritor italiano, Gianni Rodari, que nos vai ensinar outras maneiras de escribir, imaxinar e divertirnos.

Rodari cun grupo de alumnos de infantil

Foto de Giannu Rodari

ALGÚNS TRABALLOS DOS NEN@S DE 4º SOBRE CAMBADOS

2011-06-03T17:23:00.000+02:00

OS NENOS E NENAS DO COLE ESTAMOS A COÑECER MÁIS PROFUNDAMENTE O NOSO POBO. AO LONGO DESTE CURSO APRENDIMOS MOITAS COUSAS INTERESANTES SOBRE A NOSA PAISAXE, AS NOSAS RÚAS E A NOSA XENTE. SE TE FIXAS BEN POLOS CORREDORES DO CENTRO PODES VER COMO DECORAMOS CON GRANDES MURAIS.

Tivemos sesións de contacontos

2011-06-03T16:55:00.000+02:00

Coma todos os anos, desde o Equipo de Normalización lingüística fanse intercambios de contacontos entre os coles da zona. Este ano, achegouse ao noso a mestra Verónica para contarlle aos nenos e nenas de tres e catro anos o conto de "Dona Carme". graciñas Verónica

non deixes que escapen

2011-06-03T16:28:00.000+02:00

na nosa biblioteca

2011-06-02T10:48:00.000+02:00

voan as preguntas
se te fixas ben na nosa biblioteca hai cuestións que están polo aire, buscaas e a ver se sabes a resposta,!anímate!

de visita no concello

2011-03-26T16:33:00.000+01:00

Como o noso obxetivo nesta andaina é coñecer o lugar onde vivimos, unha visita obrigada, como non era a casa do concello. Así que alí fomos, paseando e disfrutando das nosas rúas no camiño.

pintando un gran mural

2011-03-26T16:13:00.000+01:00

Estamos xa metidos de cheo no noso proxecto e ademais dos traballos que facemos nas aulas, entre todos ambientamos o corredor e outros recunchos do cole.Nesta foto podedes ver como os nenos e nenas máis pequenos colaboran pintando un gran mural dunha zona emblemática do noso pobo, As ruínas de Santa Mariña Dozo, restos dunha igrexa medieval na que se ubica actualmente o ceminterio.

EXCURSIÓN POR CAMBADOS

2011-03-16T10:40:00.003+01:00

O venres 11 fomos por Cambados para aprender un pouco sobre as esculturas. Fomos ao museo do viño e vimos: a escultura de Manolo Paz "Laureiro"; alí nos explicaron un pouco sobre ela. Despois,fomos á praza de Ramón Cabanillas para ver a famosa escultura de Paco Leiro "Baco". E por último visitamos a reprodución da "Maiciña" feita por Francisco Asorey. E así rematou a nosa pequena pero divertida excursión por Cambados.

os mestres do cole en busca de información

2011-03-15T22:47:00.001+01:00

Antes de dar comezo o noso proxecto sobre Cambados os mestres puxéronse a recopilar información para levala ás aulas.

analizando as cortizas das árbores

un pequeniño descanso

no mirador da Pastora

un novo proxecto, unha nova andaina

2011-03-14T20:26:00.000+01:00

Neste curso 2010-2011 todos, desde os máis pequenos de tres anos recén chegados ao cole ata os maiores, comezamos unha nova andaina conxunta, coñecer a fondo o noso pobo, Cambados.

Estudo da Localidade

2010-11-24T18:11:00.000+01:00

Queremos deixarvos aquí, para axudar ó profesorado e ó alumnado, algúns enlaces que facilitarán moito algunha procura. Iremos pouco a pouco pero agora quedan estas:
a webb http://www.adelaleiro.com/
Aquí tendes un montón de información xa clasificada como rutas pola localidade ou do entorno próximo (Ruta polo Rego da Armenteira; Ruta da Auga: O Úmia...); presentacións: Cabanillas, a Natureza, as Telleiras do Salnés; espazos naturais., fotos...
h ttp://es.wikipedia.org/wiki/Cambados_ é moi sinxela e xa veredes como ó final do noso estudo podemos ampliala.
http://www.cambados.es/ esta é a páxina do concello de Cambados.

Libros para os pequenos

2010-11-24T17:44:00.001+01:00

Cantos de vós léchedes este libro?
É moi bonito, non si?

O caso é que agora xa temos este outro en exclusiva para nós....

Xa sabedes quen é o autor e moito/as xa o víchedes en power point. Foi un agasallo do profesor Mon Daporta, pero ainda hai máis: a Asociación de Ensinantes do Salnés CANDEA (son mestres e mestras de Cambados e arredores) decidiu poñelos en papel e dentro de pouco chegarán á nosa biblioteca un lote de 10 libros para o seu uso.
Se queredes volver a lelo antes da entrega de CANDEA, ide ó blogue de extraescolares. Alí tamén tendes algunhas actividades sobre o libro.

VOLVEMOS!!!!!!!!

2010-11-24T17:19:00.000+01:00

Xa era hora de volver abrir estas páxinas para todos vós, o alumnado de San Tomé, nais, pais e demáis membros da nosa escola. E este curso, que? Pois coma sempre investigar, crear e aprender.
Como sabedes, adicarémoslle o curso enteiro a investigar o que nos é máis próximo: a localidade. O equipo de biblioteca, xunto con todo o profesorado, ten a ilusión de axudarvos a coñecer o máis posible de Cambados. Para iso, faremos un percorrido xeográfico polo Concello, os servizos que nos ofrece, a arte e os artistas de sempre e os de hoxe; de que vive a xente da localidade. Ten historia Cambados? Xa veredes como sí, e moita! Xa sabemos un montón das festas e tradicións, roteiros naturais, fauna e flora...
Esperamos que as propostas vos gusten e sirvan para o que nos propoñemos.

2010-07-02T22:50:00.003+02:00

O diccionario espacial en inglés

2010-07-02T22:38:00.000+02:00

Con esto despedímonos ata setembro. Descansade moito, disfrutade un montón e esquecédevos da escola pero non de ler un pouquiño cada día.

Felices vacacións rapazas, rapaces e profes!!!!!

Os libros de Inglés

2010-07-02T22:32:00.000+02:00

Para rematar, quedan os libros que as profesoras de inglés Lucía e Guadalupe traballaron con todo o alumnado. Comezamos polos máis pequeniños.

O universo en cifras e letras

2010-07-02T22:22:00.000+02:00

O 3º ciclo fixo un traballo contundente: O Universo en cifras e letras e un pequeno diccionario que fala de quásares, púlsares... Aquí vos queda.

As galaxias polos rapaces de 5º

2010-07-02T21:30:00.000+02:00

Para saber o que son as galaxias, como se forman, os tipos, a distribución e a morte das mesmas -entre outras cousas- achégate ó libro dos de 5º. Se logo queres ampliar a información xa sabes, segue buscando nos múltiples libros que hai sobre o tema.

As mulleres no espacio

2010-07-02T21:24:00.000+02:00

Esta señora chinesa-galega traballa no observatorio astronómico de Santigo e tivo a amabilidade de mandarnos unha carta logo de saber o traballo que estabamos a facer en San Tomé. Na carta, que a publicamos na revista deste ano, cóntanos o labor que fai e así soubemos que Josefina descobreu e púxolle o seu nome a unha estrela doble. Os nenos e nenas de 2º ciclo, e sobre todo os de 3º A da clase de Lula, investigaron e traballaron sobre as mulleres e o espacio, ademáis dos satélites...

Os contos do Ceo...

2010-07-02T20:56:00.000+02:00

Os nenos e nenas de 2º, dirixidos polas profesoras Vanessa e Luz, botáronse ó Ceo e armaron contos sobre planetas, asteroides, satélites...ilustrados por deuses e deusas mitolóxicas.

O libro dos Planetas, Meteoriños e Cometas

2010-07-02T20:28:00.000+02:00

Os de primeiro buscaron información sobre Planteas, Cometas, Meteoriños... Resumiron, escribiron a máquina, ilustraron, fixeron pareados e decoraron as páxinas axudados polas profes Pili Prego e Maricarme Nogueira.

O libro do Sol

2010-07-02T19:51:00.000+02:00

Agora presentamos o outro libro dos nenos e nenas de Infantil do colexio. Este trata do sol e, ademáis de ser divetido, aporta moita información resumida e asequible para todos. Naroboa ó alumnado e ás profes.

Libros sobre o espacio

2010-07-02T19:36:00.000+02:00

Ainda que tarde, temos que dicirvos que a edición dos libros sobre o espacio é marabillosa. Imos tentar deixarvos aquí un exemplar de cada curso para que os poidades imprimir. Lembrade que tendes que picar en cada folla para ampliala, logo copiádela e gardádela nun arquivo para despois imprimilos se queredes.

Como sempre, empezamos polos máis pequenos que adicaron o seu traballo ó Sol e Universo, dous libros pop up que xa quedan nos fondos da nosa biblioteca.

LETRAS GALEGAS 2010

2010-04-27T21:53:00.001+02:00

Un ano máis chega o 17 de maio, o día especial das Letras Galegas. Desta volta temos como persoeiro honrado ó poeta de Lugo (Parada, O Courel) Uxío Novoneyra. A asociación de ensinantes do Salnés e, máis concretamente Adela Leiro e Mon, traballaron arreo para deixarnos nas escolas de Cambados unhas montaxes sobre a vida e obra do poeta. Se a obra é preciosa, as imaxes propiedade de Adela e de Mon son espectaculares e corresponden ás letras de Novoneyra. Temos o seu permiso para poñer algunhas aquí e, por suposto, para ensinarvos polos ollos e os oidos quen foi e o que fixo o poeta galego.
Na semana das Letras adicaremos un tempo a ver e falar del.

Grazas o/a autor/a.

Día do libro

2010-04-23T18:55:00.006+02:00

Hoxe celébrase a Día do Libro. O alumnado de 3º ciclo asistiu a unha mañá de lectura na biblioteca do Concello. Leron poemas e textos relacionados co Xacobeo e o Camiño de Santiago sacados dos poemarios de Cabanillas, Rosalía de Castro, Novoneyra... Parere que lles gustou e non foron só unhas horas de liberación de clase. Desexamos que este día continúe o resto do ano cuns minutos diarios adicados á lectura por pracer, por diversión, por aprender e descubrir fantásticos mundos que saen das cabezas dos literatos.

No video seguinte explícase polo miúdo o que é un libro. Neste mundo tan informatizado e tecnificado no que respiramos, é posible que perderamos certos hábitos, coñecementos e significados; así pois, recurrimos á unha reportarse audiovisual pavera para refrescar a memoria. Prestade atención!!!!!!

Estudio do Espacio

2010-04-11T19:07:00.008+02:00

Hola nenos e nenas de San Tomé. Estamos impresionados dos traballos marabillosos que estades a facer, pero hoxe imos adicarlle o tempo a Infantil e 1º Ciclo de Primaria. No video que sigue recollemos un pouquiño do traballo das súas investigacións na biblioteca do cole e tamén nas bibliotecas das aulas así como os traballos plásticos, decorativos e escritos que despois aparecerán -ou non-no libro final que cada nivel presentará segundo os títulos a investigar. Neste caso, os de Infantil estanse adicando o estudo das estrelas e o 1º ciclo investiga arredor dos planetas. O equipo de biblioteca e actividades extraescolares axúdalles a facer as 8 bolas que dentro de pouco se converterán en planetas a escala do noso sistema solar e a estrela máis grande: o sol. Cando rematedes tamén os veredes colocados polos corredores da escola.
O departamento de extraescolares estavos a montar outro Lim sobre feito. Se queredes probar, ide o seu
blogue. Ata logo.

O espacio

ESTUDIO DO UNIVERSO

2010-03-10T00:18:00.000+01:00

A profe Elena atopou este video precioso sobre o universo. Está collido da páxina de Museo Americano de Historia Natural. Merece a pena adicarlle 6 minutos. Empeza cunha imaxes da Terra e remata no universo ensinándonos constelacións e galaxias... Descubrídeo vos.

http://www.youtube.com/user/AMNHorg#p/u/0/17jymDn0W6U

2010-03-08T20:51:00.003+01:00

Ola a todos e todas. Hoxe o departamento de TICS do cole quere facernos un regalo. Despois de tantos días coas nebulosas a voltas prepararon unhas actividades moi divertidas para nós. Témolas na pantalla que segue. Para os que nunca xogarades co Edilim decímosvos que podedes ampliar o libro de traballo picando na ventá branca que está arriba á esquerda. Se queredes oir os sons activade o altavoz que está na ventá do medio e, si queredes saber os resultados finais, picade na ventá marcada cun I.

Para pasar dunha actividade a outra, premede a frecha branca na parte inferior dereita de cada actividade e, se vos apetece repetir, volvede a empezar. As actividades cambiarán de orde. Para sair da pantalla completa só tentes que premer a tecla ESC do voso teclado. Que o disfrutedes.

2010-02-28T20:34:00.003+01:00

nebulosas

2010-02-28T00:46:00.003+01:00

Acordádesvos del? Esperamos que sí. Jules Verne é un dos verdadeiros xenios da ciencia ficción do século XIX. Lembrade que escribiu unha serie de novelas de aventuras sobre temas científicos e a que máis chamou a atención foi "Da Terra á Lúa". Verne fixo un esforzo grande para resolver o problema do lanzamento -daquela ainda non existía a NASA nin a cosmonáutica soviética- e largou o proxectil dende un canón xigante, pero estaba mal informado sobre as leis da física. Non reparou en que tal aceleración repentina esmagaría ós cosmonautas. En calquera caso, tivo o seu mérito.

Este outro autor chamado H.G.Wells, alá polo ano 1901, novelou outra viaxe á lúa na obra "O primeiro home na Lúa" esforzándose un pouco máis por resolver o problema do despegue e da gravidade, pero os físicos daquela época sabían ben que ningún dos dous escritores lograría levar ós humanos ó satélite terrestre. De todos os xeitos, a obra destes dous homes puxo a funcionar o maxín dunha xeración de científicos. Anos despois a viaxe espacial deixou de considerarse un soño fantástico para verse coma unha realidade posible.

O espacio

2010-02-18T19:34:00.001+01:00

CURIOSIDADES ESPACIAIS

A ciencia está chea de feitos curiosos, divertidos e interesantes. Aquí tendes unha selección de datos... para que vexades que a ciencia non ten porque ser aburrida.

1. Normalmente dise que la velocidade de la luz é 300.000 km/segundo. Pero a medición exacta ven sendo de 299.792.458 m/segundo.
2. A luz tarda 8 minutos e 17 segundos en viaxar desde el Sol ata a superficie terrestre.
3. A Terra rota a unha velocidade de 1 609 km/h, pero no espacio desplázase a unha velocidade incrible: 107 826 km/h.
4. Cada segundo –xa!- uns 100 raios chegan á Terra.
5. Coidadiño! 1.000 persoas morren ó ano por culpa dos raios.
6. Se puderas conducir en liña recta hacia o espacio, chegarías en pouco máis de una hora.
7. A Terra ten 4.560 millóns de anos, os mesmos que a Lúa e o Sol.
8. Cando unha pulga salta, o seu índice de aceleración é 20 veces superior ó do lanzamento dun trasbordador espacial.
9. Si o Sol medise tan só unha pulgada de diámetro (2,54 cm), a estrela máis cercana atopariase a 716 km de distancia.
10. Os astronautas non poden alrotar porque a falta de gravidade non lles permite separar o líquido e o gas nos seus estómagos.
11. Unha millonésima da millonésima da millonésima da millonénisma da millonésima de segundo despois do Big Bang, o universo era tan pequeno coma un chícharo.
12. Dentro de 5 mil millóns de anos o Sol quedará sen combustible. Non sei se chegaremos alá!
13. Utopía é unha gran superficie plana de Marte.
14. As galaxias máis grandes conteñen un billón de estrelas.
15. O universo contén máis de 100 mil millóns de galaxias.
16. Si o sol tivese o tamaño dun balón, Xúpiter tería o tamaño pelota de golf e a Terra sería tan solo coma un chícharo.
17. Arredor de mil billóns de neutrinos (que será esto?) do Sol atravesarán o teu corpo mentres les esta frase.
18. Un quásar emite máis enerxía ca 100 galaxias xigantes.
19. Os quásares son os obxectos más afastados do universo.
20. O cohete Saturno V, que levou ó home ata a Lúa, desarrollaba unha enerxía equivalente a 50 aviones Jumbo 747.
21. As estrelas de neutróns son tan densas que unha sola culleradiña pesaría máis que toda a poboación da Terra.
22. Cada hora o Universo expándese máis de mil millóns de quilómetros en todas as direccións.

Hai moitísimas máis: de que cor é a Lúa?; a montaña máis alta, os buratos negros, a gravidade, existen os marcianos?...Se deixas tí máis curiosidades publicarémolas.

O ESPACIO

2010-02-17T15:16:00.002+01:00

Imos comezar co estudo do espacio. Para que vaiades mirando algo do que hai máis alá da nosa atmósfera, deixamos varios enlaces que vos levarán a videos marabillosos aloxados en Youtube.
Imaxes tomadas dende o telescopio Hubble.
http://www.youtube.com/watch?v=4gaSMVBu5qg
Fotos da Terra e da Lua a 50 millóns de quilómetros

http://www.youtube.com/watch?v=4a_lDbvFc4E
Fotos da NASA

http://www.youtube.com/watch?v=VxEozfpe4eg

Meteoriños contra a terra

http://www.youtube.com/watch?v=jlKMKzzgRJw

Na biblioteca xa estamos a facernos con bibliografía axeitada a este tema.

DÍA DA PAZ

2010-01-30T17:53:00.001+01:00

O día 29 de xaneiro celebramos en San Tomé o Día da Paz. Dende o Departamento da Biblioteca queremos felicitarvos polas pescudas e o interese tan grande que puxéchedes profesorado e alumnado por coñecer ós/ás nóbeles da Paz e a outras persoas que incluso deron a súa vida por un mundo máis xusto, ou a aquelas que adican a súa vida e o seu tempo de lecer en axudar tanto nos momentos tráxicos coma na vida diaria a aquelas persoas que tanto o precisan. Unha aperta a todos/as.

Nadal na escola

2009-12-21T23:33:00.000+01:00

Nenos e nenas de San Tomé... Feliz Nadal!!! Pero esto non rematou. Á volta de vacacións continuaremos todo o mes de xaneiro con Xulio Verne a petición do profesorado. Mentres tanto, podedes visitar o blogue de actividades extraescolares para ver o voso belén. Nós seguiremos traballando para a volta.

Segundo ciclo con Xulio Verne

2009-12-07T20:07:00.001+01:00

A obra elexida polos de 4º é "20.000 leguas de viaxe submarina", así que temos a escola chea de auga por abaixo e por arriba. Tamén están os do primeiro ciclo a traballar "A volta ao mundo" e"5 semanas en globo". Estes últimos, con 30 globos formarán parte do Belén de San Tomé este ano xunto cos faros e os submarinos de terceiro.

Jules Verne e o terceiro ciclo

2009-12-07T19:56:00.000+01:00

Os 5º da profesora Adela leron a novela "Viaxe ao centro da Terra", entre outros, e en Plástica quixeron facer os volcáns. Fáltanos por meter aquí unha portada preciosa de Victor, un alumno de 5º que temos reservada para o mural que o equipo de extraescolares vai facer sobre os títulos de Xulio Verne, pero o que podedes ver a continuación é igual de bonito. Tamén están os nenos e nenas de 6ºB que se decidiron pola "Volta ao mundo en 80 días".

Xulio Verne e os faros

2009-12-07T19:37:00.000+01:00

Os rapazas e rapaces de 6º adicáronlle o traballo plástico á novela "O faro do fin do mundo" e saíronlle 6 faros moi persoais como podedes ver. Agora, os profes de actividades extraescolares están a facer un faro -tamén moi persoal.- para poñelo na entrada do cole e, dentro duns días, convertiranse todos no belén de nadal.

Infantil e Jules Verne

2009-12-07T19:17:00.000+01:00

Os de infantil, tal como ameazaban, chegaron á entrada e empezan a enchernos de mar. Deixámosvos unha reportaxe dalgúns dos seus traballos. Cada curso, dende 3 a 5 fixeron un animaliño submarino que encheron de tiras de papel de periódicos para darlles corpo. Este é o resultado

A escola en funcionamento

2009-12-05T01:19:00.001+01:00

Rematou outra semana. As lecturas van fenomenal. Hoxe, unha nai contounos algo precioso. Ten na casa un libro "case tan vello coma ela" - 40 anos- que lle regalara seu avó sendo moi pequena. Alí estaba, no medio doutros, esquecido. Os seus fillos nunca se fixaran nel, nen tan sequera ela se acordaba da súa existencia. Pero hai uns día Iago, o máis pequeno da casa, bateu cos ollos no canto e foille pedir á nai que lle dera o libro de Julio Verne. A nai buscou na mochila, no cuarto, na cociña, no curral ... pensando nun dos libros da biblioteca da escola que Iago debía ter en préstamo. Desesperada díxolle ó neno se outra vez ía ter que mercar un libro por ser tan descoidado e perdelo. Non, mamá! O libro debe ser teu porque está enterrado na estantería da saliña. E sí, estaba alí, un libro que nunca lera e que agora está a descubrir co seu neno, 40 anos despois. Benvida. No cole temos moitos máis a túa/vosa disposición.

2009-11-20T23:13:00.007+01:00

Axel vive co seu tío Otto Lindenbrock, un profesor de mineraloxía ao que lle regalaron manuscrito de gran valor. Este libro contén non seu interior un pergameo de orixe rúnica. O profesor intenta descifralo pero será Axel quen logre descubrir a clave do documento de forma casual. Arne Saknussemm, un alquimista islandés di como chegar ao centro da terra. O profesor eufórico decide ir ao lugar indicado no pergameo xunto co seu sobriño Axel. Este négase pero non pode impedir a viaxe... Trasládanse ata Islandia e buscan un guía co que entran no volcán Snefells. Unha vez no fondo , percorren miles de quilómetros pero o que alí descobren págalles a pena os medos e sufrimentos. Ó final... "

Este é o argumento dun dos libros de Xulio Verne. De ningunha maneira imos contar o final. Témolo en cómic, adaptado e a versión completa. Elixe ti! Despois, se queres, contesta as preguntas que están ó lado do volcán do cole... Esta é un exemplo.

Saúdos

2009-11-19T17:37:00.002+01:00

Benvidos ó blog da biblioteca. Xa dispoñemos de moitas que cousas que ofrecervos, pero ante todo, esperamos que teñades bo curso, boas lecturas e bo traballo durante este ano.
O programa de actividades para o primeiro trimestre xa o coñecedes: Xulio Verne
Trátase, ante todo, de ler as súas obras adaptadas ás vosas idades. Para esto, mercamos todas as novelas adaptadas a primaria que hanía nas editoriais. Recoñecemos que faltan moitos títulos adaptados, pero para iso contamos coa axuda dos departamentos de Normañización Lingüística, Actividades Extraescolares e Tics que están botando fume e resumindo as novelas para que as poidades ler.
Temos tamén moitas obras completas para os lectores/as avanzados e cómics.
Na biblioteca tendes os libros seleccionados nos andeis expositores e todos aqueles que teñan ficha podedes levalos para ler na casa.
Ademáis, os vosos profesores e profesoras van proporñervos outras actividades arredor das novelas que estades a ler. Esperamos que vos gusten...

Despedida

2009-06-19T17:50:00.001+02:00

Bueno nenas e nenos, ata setembro acabamos. Hoxe entregáronnos a revista na que xa nos despediamos de todos/as desexándovos un verán cheo de alegrías e descanso. Tamén vos contabamos que un libro ocupa pouco espazo e non pesa así que cando vaiades á praia, de viaxe, antes de durmir, os días que chova -que choverá-, algunha tarde en solitario -que o verán é moi longo-... aproveitade para ler o que máis vos guste e escribir o que vos remexe na cabeza para contarllo ós demáis. Bicos.

O círculo pechouse

2009-06-14T22:02:00.009+02:00

Xa só nos queda a festa de fín de curso; tentaremos facervos unha festa medieval con xogos semellantes ós de antes. Están as profes de actividades extraescolares rompendo a cabeza neso e seguro que nos sorprenderán. Nós deixamos aquí unha mostra dos traballos feitos nas titorías.

Panel da aula de música

Os de primeiro estudaron os oficios e gremios
En quinto adicáronse a percorres torres e castelos de Galicia

En sexto interesáronse pola arte románica e barroca

En cuarto metéronse coas damas e os cabaleiros
E un dos terceiros quixo sabes como era a comida
Infantil, como son tantos, miraron o castelo por fóra e entraron ata os cuartos

Outro quinto fixo a cronoloxía da Idade Media
Os de Pedagoxía Terapéutica encargáronse do diccionario medieval

Tamén interesou a hixiene, a saúde e os aparellos do campo.

Quedan ainda outros sete murais. Aínda estades a tempo de vir velos. O círculo pechouse

Para estar satisfeitos

2009-06-13T00:31:00.004+02:00

Xa rematamos o traballo, o círculo pechouse coa montaxe dos paneis que se fixeron nas aulas. A información é rigurosa, moi ben organizada. Por suposto agora toca facer un libro con cada unha das follas redactadas e ilustradas que pasará a aumentar os fondos da biblioteca: uns libros que ninguén máis terá, uns libros exclusivos que servirán para consultas dos alumnos/as que xa formades parte da escola e outros que no futuro se escolaricen en San Tomé. Non so mercamos, tamén somos quen de producir. Noraboa a todos/as sen esquecernos de todo o profesorado que estivo ó noso/voso lado sen condicións. É unha satisfacción tervos como alumnos/as e compañeiros/as

Grazas especiais

2009-06-05T13:34:00.002+02:00

Hai unhas datas quedáronnos pendientes uns agradecementos especiais, tanto que queriamos adicarlle un espazo concreto para eles/elas porque lle supuxeron, de maneira voluntaria e algunhas veces arriscada, un emprego de horas non remuneradas, cesión de obxectos de tremendo valor sentimental e non menos valor económico, esforzo persoal para mostrar cousas especiais a todo o alumnado. Todos eles e elas apostan por un ensino público de calidade e na súa medida quixeron contribuir a ese fin cos proxectos deste ano.
- Grazas a familia Portas pola mostra de cetrería no pavillón.
- Grazas a moitos profesores/as da escola pola cantidade de horas que botaron ó lombo fóra do horario escolar.
- Grazas o colexio de Vilariño por algunhas pezas cedidas para as exposicións de trebellos da casa.
- Grazas a Asociación Cultural Unha Grande Chea por todos os traxes.
- Grazas a familia Xesteira (Xaquín, Anxo e Roi) pola mostra de música e instrumentos musicais
- Grazas os pais, nais e avós do profesorado por deixarnos tantos aparellos de labranza, instrumentos de carpinteiros, ferreiros, zapateiros, canteiros... algúns deles auténticas reliquias.
- Grazas a Manuel Marín -profesor de debuxo do IES de Cesures- polo debuxo do tapiz do salón do trono.
- Gazas a Chumi de Catoira por facernos a cota de mallas, os escudos, os cascos, o atril e a catapulta.
- Grazas á escritora Anxos Sumai por deixarnos os marabillosos libros facsímiles de tremendo valor económico.

Unha Escola Medieval

2009-06-03T13:23:00.000+02:00

Unha Escola Medieval Unha Escola Medieval bibliosantome Proxecto sobre o medievo feito no CEIP Santome de Cambados

Publish at Scribd or explore others:

Libro de Cabanillas

2009-06-02T23:34:00.008+02:00

O mércores 14 de maio presentouse no noso colexio o libro homenaxe a Ramón Cabanillas, editado pola Asociación de Ensinantes do Salnés CANDEA. A obr,a coordenada por Adela Leiro é un traballo colectivo dos centros educativos do Salnés que completa un montón de actos que CANDEA organizou arredor do ano de Cabanillas.

Dous momentos da presentación cos representantes das escolas e dos institutos e que contou coa familia do escritor

Páxinas elaboradas no colexio aproveitando as vidrieiras para ilustrar o relato A noite estrelecida, unha historia do rei Arturo

Grazas familias

2009-06-02T21:23:00.007+02:00

Estimadas familias: ainda que un pouco tarde, este apartado vai adicado a todas vos pola colaboración que tivéchedes durante todo o curso coas actividades propostas dende a escola. Estámosvos moi agradecidas/os polos postres -espero que vos acordedes daquela merenda cos postres de outono pois foron case 100 familas as que colaboráchedes naquela ocasión- e polos 40 cans de todos os materiais que fixéstedes para o libro de Querido Inimigo de Agustín Fernández Paz. Para vós vai este pequeno video de agradecemento e... seguro que para o próximo curso seguiremos pedíndovos máis e vós respondendo tan ben!!!.

2009-05-29T23:19:00.005+02:00

Queremos deixar este curto que nos pedides dende distintos colexios porque non podedes chegar ata aquí. É unha pequeniña mostra do que se leva facendo dende o mes de xaneiro por parte de profesores/as, nais e pais dos nosos alumnos, familiares, voluntarios, etc. No seu momento falaremos de todos eles. Moitas grazas polos ánimos

Mostra de CETRERÏA

2009-05-29T13:16:00.006+02:00

Queridos lectores: resulta que entre as variadas aficións que temos, a familia de Vani de 4ºA ten como entretemento e pasión o da cetrería. Non fixo falta nada para que viñera invitada ó cole para ensinarnos as súas pezas: un falcón, un cernícalo e unha águia. Deixaron que os nenos case tocaran as aves, fixeron unha demostración de voo no pavillón, apareceron caracterizados como os falconeiros da dade media. Foi todo un espectáculo inesquecible. Agradecémoslles a súa amabilidade e colaboración coa escola cun montón de grazas e bicos.

Unha escola medieval

2009-05-28T13:03:00.006+02:00

Seguindo co traballo de Formación de Usuarios, xa comezamos o estudo e investigación sobre a idade media. Polo de agora, o equipo da biblioteca axudado polo de actividades extraescolares e o traballo enorme dos nenos, profesores, familires do profesorado e familias do noso alumnado, fomos ambientando a escola e convertémola nunha escola medieval. Deixámosvos algunha mostra dos nosos corredores... que estades invitados a visitar ata o 20 de xuño.

ANTROIDO MEDIEVAL

2009-05-20T17:28:00.007+02:00

Seguindo coa formación de usuarios, dende a biblioteca propúxose aproveitar a ocasión para lucir traxes medievais. A proposta aceptouse por unanimidade e cada ciclo elexiu o disfraz que máis lle gustou: cento dez soldados, campesiños, aventureiros, damas e cabaleiros; reis e raíñas, troveiros, mesoneiras e a corte do rei Arturo desfilaron polo pavillón ó son de bailes e cancións.

DÍA DA PAZ

2009-05-16T20:05:00.002+02:00

O 30 de xaneiro celebramos o Día da Paz. Con esta primeira celebración do ano empezamos tamén co traballo de investigación que dende a biblioteca propuxemos para o semestre: a Idade Media. Pode parecer pouco realista conectalo con aquela época, pero tiñamos como obxectivo o estudo dos Dereitos Humanos: como era daquela a vida da xente máis desfavorecida, como é hoxe e comparar:
- Xa non hai escravos?
- Todos temos dereito a unha vivenda?
- Todos temos dereito a que se recoñeza a nosa persoa?
- Todos temos dereito á educación, á sanidade?...
Pois sí, pero cúmprese?

2008-11-03T19:40:00.008+01:00

Noraboa pois case todos/as déchedes co asunto. Sí, trátanse de anaquiños de obras do noso autor do trimestre Agustín Fernández Paz. Sabemos que xa estades a ler os seus libros e ós máis pequenos lenllos as profes e as nais -seguro que tamén os pais-. Témolos todiños na nosa biblioteca, nun espazo reservado para que os collades cando queirades. Aquí mesmo, mirade

É como o que máis nos gusta e que os leades, todos se pode ser, deixámosvos os títulos da súa obra:

* A cidade dos desexos
* As flores radiactivas
* Contos por palabras
* Lonxe do mar
* O tesouro do dragón Smaug
* Rapazas
* Unha lúa na fiestra
* As tundas do corredor
* Trece anos de Branca
* Cartas de inverno
* Amor dos quince anos
* Avenida do Parque
* O centro do labirinto
* A néboa escura
* O laboratorio do doutor Nogueira
* Noite de voraces sombras
* Un tren cargado de misterios
* Aire negro
* Corredores de sombra
* O único que queda é o amor

Que os disfrutedes!!!!

2008-11-03T19:17:00.010+01:00

HOLA A TODAS E A TODOS!!!
Ímosvos propoñer unha pequena actividade. Sodes capaces de recoñecer estas fotos?

Si, si... Xa sabemos que andan pola biblioteca da escola, e polos corredores e mesmo na entrada. Pero, porque? Que se lle pudo meter na cabeza ás mestras e mestres de San Tomé? Con que terán que ver? Buscade, buscade....

BENVIDA Ó CURSO

2008-09-11T20:09:00.005+02:00

Xa chegou o 11 de setembro!!!!! Así que a partires de mañá mesmo estamos á vosa disposición porque temos novidades na biblioteca e algo que imos estrear xa e que se vai repetir a cotío durante vinte minutos ó día despois do recreo: IMOS LER na clase, o que queiramos, o que nos apeteza: o libro de todas as noites, a revista que nunca me dá tempo a ver, a enciclopedia de animais mostruosos, o atlas do corpo humano, a sección local do xornal... O QUE QUEIRAMOS, e sabedes máis? Non nos van pedir contas!!! Nada de responde estas preguntas, fai un resumo do que leches, e esas cousas que sempre están a pedir os mestres e as mestras. Sorprendidos, eh?
Pois sí, xa vos van explicar nas clases. Pero ainda hai máis, só que iremos contándoo ós poucos. Como adianto estamos en tratos para que o escritor Agustín Fernández Paz veña á nosa escola e acaso logremos ver un cabaleiro medieval chegar a cabalo polos corredores de San Tomé convertidos en murallas dun castelo. Quen sabe, os libros teñen eso, fantasías e ilusións. Imos tentar facelas realidade.
Un bico para todos/as e bo curso 2008-2009

FESTA FIN DE CURSO

2008-06-26T13:06:00.008+02:00

Para rematar o curso fixemos a nosa particular Festa da Auga con 12 xogos no patio: flota ou afunde, pesca de río, pesca coa boca, pompas de xabrón, carreiras de barcos, expirómetros, globos de auga, carreiras de caldeiros, bolos de auga... Ademáis, a APA agasallounos con churros e chocolate -exquisito por certo - e o colexio entregounos centos de carameliños que se desfacían na boca nada máis metelos dentro. Deixámosvos algunhas fotos deste día...

DESPEDIDA DO CURSO

2008-06-26T13:01:00.004+02:00

Rematou o curso. Agora só queda disfrutar do verán e desexarvos unhas felices vacacións cheas de ocio e de libros, pois nunca está de máis incluir ós libros no noso lecer, porque ler non é só cousa da escola. Podédelo facer na praia, na piscina, no cuarto... así que non vos esquezades de meter un libro viaxeiro nas bosas bolsas de praia ou maletas de vacacións. Un bico para todas e todos do equipo de biblioteca e do claustro de San Tomé. Vémonos en setembro.

AUGA E ARTE

2008-06-11T20:13:00.009+02:00

Hoxe estivemos vendo na escola que tamén coa auga podemos facer arte. Descubrimos verdadeiros artistas na pintura, escultura, arquitectura, fotografía... pero o que máis nos chamou a atención foron unha serie de fotografías tituladas "Esculturas Líquidas". Explicáronnos o proceso que os artistas seguen para chegar a fotografiar estas verdadeiras obras de cor e movemento. Ten que ver coa densidade, a modificación das propiedades da aiga, o volume, etc, é dicir, unha boa aplicación de todos os experimentos que fixemos no laboratorio da nosa escola. Eso sí, os artistas precisan de moita paciencia, probas, revelados... para poder chegar a estas fotos. Ademáis de deixar unha pequena mostra, poñemos o enlace para chegar a todas elas en internet simplement.wordpress.com/.../wordpress.com/.../

2ª semana de experimentos con auga

2008-05-24T01:20:00.008+02:00

Esta foi a segunda semana que adicamos a experimentar coa auga no colexio . Todo o alumnado, desde infantil de 3 anos ata 6º de primaria, pasou polo laboratorio para descubrir o que é a densidade, o volume e a masa. Descubriron que a auga pode voar, pesa, ocupa un espacio, pode medirse, fai que flotemos, afundamos ou aboiemos. Como se poden modificar as súas propiedades , por enriba, pasárono fenomenal. Sentimos moito non poder poñervos todas as fotos. Polo de agora deixámosvos este video.

Deporte e Auga Doce

2008-05-18T02:17:00.011+02:00

O venres pasado tivemos na escola a uns verdadeiros profesionais da auga e do lecer. Viñeron a falarlles ós rapaces e rapazas de como desfrutar da auga e da natureza á vez que gardaban o máximo respecto cara o medio ambiente e a súa propia seguridade. Cheché falounos das actividades que fan para nenos e adultos como directora de Turnauga, ensinounos videos e fotos, mandounos unhas fotos preciosas de barranquismo, raffting, piragüismo e rappel que fan nos ríos galegos que de certo non teñen nada que cobizar a outros paraxes naturais que vemos pola tele. Tamén estivo con ela un monitor do seu grupo. Trouxeron barcas, canoa, chaleques de salvamento, balizas de rescate, cascos, remos, roupas de neopreno e moito entusiasmo que conseguiron transmitir ó alumnado de San Tomé. Penso que o máis importante deste día foi a mensaxe seguinte: é posible pasalo ben sen estragar o medio ambiente. Moitísimas gracias por todo.http://4.bp.blogspot.com/

Monográfico sobre Roald Dahl

2008-05-16T22:01:00.010+02:00

Durante dous meses no CEIP San Tomé desenvolvemos un proxecto sobre Roald Dahl. Os obxectivos principais eran os de coñecer ó autor e ler as súas obras...e FIXÉMOLO. Nestes dous meses estivemos rondando a Roald Dahl dende infantil ata 6º.
O departamento de normalización traduciu moitos dos libros do autor, preparamos un power point para infantil adaptando os textos, investigamos sobre a vida... e de todo esto saíron traballos preciosísimos:
- Paneis de lectores -50 lectores por panel, e nalgúns casos houbo que amplialos.
- Valoración das obras.
- Cadros sinópticos.
- Reescritura de textos
- Moitísimos traballos plásticos
Pero sobre todo as que tolearon co tema foron as mestras de inglés: traduciron, descibiron personaxes, investigaron, modelaron... ata felicitaron o nadal con Roald Dahl. Botaron por fóra.
E que vos imos contar do equipo infantil? Fixeron de todo e mesmo lograron que o crocodilo criara 110 crocodiliños. Podedes miralo no video.

San Tomé énchese de auga doce

2008-05-07T23:19:00.005+02:00

Como xa vos dixemos, estamos a traballar nun proxecto sobre a auga doce. Para ambientar o colexio imos colocando, ós poucos, unha pinga aquí, unha fonte alá, unhas moléculas de H2O no teito , unha fervenza ao frente... Nuns días poderedes velo.

Exposicións do día do libro en San Tomé

2008-05-07T22:49:00.003+02:00

A AUGA DA VIDA

2008-05-07T19:53:00.003+02:00

Estamos a traballar dende o departamento da biblioteca do noso cole un proxecto que titulamos A AUGA DA VIDA. Xa fixemos moitas actividades dende o mes de xaneiro e quedan ainda moitas cousas pendentes. Do que xa fixemos deixamos unha mostra neste blog ó que podedes acceder nos arquivos adxuntos. Esperamos que vos guste. http://bibliosantome@blogsport.com

2008-05-07T19:25:00.001+02:00

LECTORIÑO

2008-05-06T20:41:00.002+02:00

Inauguración do noso blog

2008-05-05T17:48:00.000+02:00

Hoxe, día 5 de maio de 2008, creamos o primeiro blog da nosa biblioteca escolar. Esperamos que teña moito éxito e que todos participedes nel.